اغاني العرس الفلسطيني

0 الأعضاء و 3 ضيوف يشاهدون هذا الموضوع.

غير متصل الفلامنجو

  • أزمنة انهزام والام
  • *****
  • 5574
  • 61
  • الجنس: ذكر
  • سفير لوطني برتبة ضمير ..
اغاني العرس الفلسطيني
« في: أيار 04, 2009, 02:19:36 صباحاً »
من الاغاني التي كانت تغنى عندما كانت تحنى العروس




سبل عيونو وماد ايدوا يحنول
غزال زغير بالمنديل يلفولو

يا امي يا امي عبيلي المخاداتي
وطلعت من الدار وما ودعت خياتي

سبل عيونو وماد ايدوا يحنولو
غزال زغير بالمنديل يلفولو
يالمي يالمي طاويلي المناديلي
وطلعت من الدار وما ودعت انا جيلي
واطلعت من الدار وما ودعت انا امي
انا الغربية وهيلوا يا دمعاتي

سبل عيونو وماد ايدوا يحنولو
غزال زغير بالمنديل يلفولو
يا الاهل يا الاهل لا يجير ليكو خاطر
شو الي عماكو عن ابن عمي هالشاطر
يا الاهل يا الاهل لا يبري ليكو ذمه
شو الي عماكو عن ابن الخال والعم

سبل عيونو وماد ايدوا يحنولو
غزال زغير بالمنديل يلفولو

ايويها... بحنة مكة جيت احنيكي
ايويها... يا بدر ضاوي وألحلى كلو ليكي
ايويها... ما بتلبق الحنة إلا لايديكي
ايويها... يا فاطمة زينة العرايس لمحمد اوديكي

ايويها... يا شعرك شعر السلسبيلي
ايويها... ويسلمي هالكم الطويلي
اويها... ريتو يحرصك الله
ايويها... من عين الحاسد والعزولي

أغاني الزفة في العرس الفلسطيني
بالهنا يا ام الهنا يا هنية
التوت عيني على الشلبية
التوت عيني على العريس بالاول
صاحب الوجه السموح المدور
قالتلو يا عريس يا ابن الكرامي
عيرني سيفك ليوم الكوان
سيفي محلوف عليه ما بعيرو
سيفي ماصل من بلاد اليماني
بالهنا يا ام الهنا يا هنية
شيعوا لولاد عمو يجولو
بالخيول المبرقعة يغنولوا
عددوا المهرة وشدوا عليها
تييجي محمد ويركب عليها
عددوا المهرة وهاتو الشبرية
زفولي محمد لباب العلية
عددوا المهرة وهاتوا البارودي
زفولي محمد لباب العمود
ايويها... ريتو هالفرح مبارك
ايويها... سبعة ثمان بركات
ايويها... كما بارك محمد
ايويها... على جبل عرفات

ايويها... يا قاعدة على المراتب قعدة البنا
أيويها... والكحل بعيونك زقفتلوا غنا
أيويها... حط القدم على القدم ما اسمعتلو رنا
ايويها... ويجعل البطن يلي حملك مسكنو الجنة

ايويها... صبر قلبي وما قصر
ايويها... وانقطع حبل الجفا بعد ما تغير
ايويها ... افرحولي يا جيراني وخلاني
ايويها... وانا عها اليوم بتحصر.

ايويها... جيت اغني وقبلي ما حدا غنا
ايويها... بقاع وادي فيه الطير يستنا
ايويها... وريتك با محمد بهل العروس تتهنا
ايويها... وتضل سالم ويضل الفرح عنا

الاغاني التي كانت تغنى للعريس حين يأتي الحلاق ويقوم بحلاقة شعره وذقنه

إحلق يا حلاق بالموس الفضية إحلق يا حلاق
تمهل يا حلاق لا تتيجي الاهلية تمهل يا حلاق
إحلق يا حلاق بالموس الذهبية إحلق يا حلاق
تمهل يا حلاق لا تتيجي الاهلية تمهل يا حلاق
إحلق يا حلاق ومسح بشاشاتو احلق يا حلاق
تمهل يا حلاق لا ييجو عماتو تمهل يا حلاق
إحلق يا حلاق ومسحلو بكمو إحلق يا حلاق
تمهل يا حلاق لا تتيجو امو تمهل يا حلاق
احلق يا حلاق احلقلوا لحالو احلق يا حلاق
تمهل يا حلاق تييجوا خوالو تمهل يا حلاق
احلق يا حلاق ونعملو على خدو إحلق يا حلاق
تمهل يا حلاق لييجو ولاد عمو إحلق يا حلاق
إحلق يا حلاق ونعملو شعراتو إحلق يا حلاق
تمهل يا حلاق لييجو رفقاتو تمهل يا حلاق
أحلق يا حلاق تنشوف حالاتو احلق يا حلاق
تمهل يا حلاق تييجو خياتو تمهل يا حلاق

ايويها ... بمقص الذهب قصلوا يا بشارة
ايويها... لزينة الشباب وزينة الحارة
ايويها ... ان وصفت بالوصف ما وفيت
ايويها ... أمير صغير وتلبقلوا الامارة.

ايويها... ضليت أركض ورا الجواد لناسبهم
ايويها... هب الهوى ورماني على مصاطبهم
ايويها... دعيت رب السما ينصرهم
ايويها... نصره عزيزة تجبر بخاطرهم

ايويها ... اسم الله عليك
ايويها ... عين الله عليك
ايويها ... عين الحاسدة تعمى
ايوها ... والي ما تسمي عليك


لولولولولولييييييييش 
« آخر تحرير: تـمـوز 27, 2009, 01:47:59 صباحاً بواسطة الفلامنجو »

غير متصل جنين

  • ظلٌ لصوت بعثره الموج وفتك بباقي شطانه
  • *****
  • 1960
  • 83
  • الجنس: أنثى
رد: اغاني العرس الفلسطيني
« رد #1 في: حزيران 17, 2009, 12:15:04 مسائاً »



يا عمي والله ما في اروع من العرس الفلسطيني


ولا اصوات الزغاريد


انها تنعش القلب



 من الأغاني المشهورة في القرية و المدينة في خليل الرحمن و حتى على مستوى فلسطين أغنية " يا ظريف الطول " و يغنيها كلا الجنسين في سهراتهم :

يا ظريف الطول يا حلو إنت -- يا عقد اللولو على صدر البنت

يا ظريف الطول وقف تا قولك -- رايح على الغربة و بلدك احسنلك

يا ظريف الطول وين رايح تروح-- جرحت قلبي و عمقت الجروح

يا ظريف الطول يا حلو يا مربوع -- يا نازله للبير و احسب للطلوع

كذلك هناك أغنية على الرابعية التي تتحدث عن الصراع القوي الذي كان بين قيس و يمن و الذي استنفذ الكثير من الأموال و الأفراد و استمر إلى فترة طويلة. و اغلب التفسيرات للرابعية هي الاتجاه نحو قرى دورا و القرى المحاذية لها .


عالرابعية عالرابعية -- و الرايا بيضاء للخليليه ( اسم العائلة أو القرية )

عالرابعية عالرابعبة -- و احصلوا يا العدا ما هي رديه

واسندوا البارود عَ العامود -- و اطلع يا أبو فلان بعزوه قوية

و اسندوا السلاح عَ المراح-- و اطلع يا أبو فلان بعزوه جراح








وصلات تراثية شعبية
وزجل وأهازيج
لأعراسكم وأفراحكم الجميلة

العرس الفلسطيني

روابط التحميل
http://www.4shared.com/file/33052331...20%20%20%203rs

http://rapidshare.com/files/23399559...stini.mp3.html

http://www.fileflyer.com/view/soceEBz

http://www.megaupload.com/?d=QOBDEPML

http://www.filefactory.com/file/ag0f...lfalestini_mp3

http://flyupload.flyupload.com/get?fid=409361880
ودمتم

غير متصل وردة الاقصى

  • ليس من الصعب أن تضحي من أجل صديق ..ولكن من الصعب أن تجد الصديق الذي يستحق التضحية !
  • *****
  • 774
  • 53
  • الجنس: أنثى
  • أجمل الأيام يوم لم نعشه بعد
رد: اغاني العرس الفلسطيني
« رد #2 في: حزيران 17, 2009, 12:17:30 مسائاً »
والله معكم حق ما في احلى من العرس الفلسطيني
وانا ان شاء الله راح اعمل عرسي على حسب التقاليد الفلسطينيه
شكرا الك فلامنجو وجنين

غير متصل الفلامنجو

  • أزمنة انهزام والام
  • *****
  • 5574
  • 61
  • الجنس: ذكر
  • سفير لوطني برتبة ضمير ..
رد: اغاني العرس الفلسطيني
« رد #3 في: تـمـوز 27, 2009, 01:41:28 صباحاً »
مشكورة جنين على هذه الاضافات الاكثر من رائعة بوركت كثيرا


وردة الاقصى ..فلنقل باذن الله ومبروك مقدما .. .





احييكم من جديد ويطيب لي تقديم التالي



ألبوم أغاني العرس الفلسطيني نعنع يانعنع البوم رائع حمل واسمع



1- مرشوش العطر
http://www.4shared.com/file/104846235/53aa9813/01_.html

2- ع الروزانا
http://www.4shared.com/file/104867633/7fbca1ff/02_.html

03 تعي على الفي
http://www.4shared.com/file/10486892...2ecb/03__.html

هذا الالبوم الكامل مكون من 12 اغنية من الثرات والاغاني الفلسطينية
حمل واسمع فعلا يستحق الاستماع

حمل الالبوم كامل
http://www.4shared.com/file/10484148...___online.html




استماعا رائعا




الى اللقاء مع اطلالة اخرى

تقديري لزوار الصفحة الكرام

غير متصل الفلامنجو

  • أزمنة انهزام والام
  • *****
  • 5574
  • 61
  • الجنس: ذكر
  • سفير لوطني برتبة ضمير ..
رد: اغاني العرس الفلسطيني
« رد #4 في: تـمـوز 27, 2009, 02:03:08 صباحاً »
مبــــارك

مبــــارك الملبــــوس ..ولبســـوا يـــا محمـــــد ..مبــــارك الملبــــوس
وعينــــك عــالعــــروس..تمــــك يحـــاكينــي..وعينــك عــالعـــروس

مبــــــارك لعكـــــال ..ولبســـــوا يـــا محمـــــد..مبـــــارك لعكــــــال
وعينـــك عـــالغـــزال..تمـــــك يحـــاكينـــــي..وعينــــك عــالغـــــزال

مبـــــارك الجـوكيـت..ولبســـوا يــــا محمـــــد..مبـــــارك الجــوكيـــت
وعينــك عـالجــورجيــت..تمــــك يحـــاكينــــي...وعينـــك عــالجـــورجيــت

***



طلــــع الـــزيـــن





أوفففففففف أوفففففف أوفففففففففففففففففففف

طلــــع الـــزيـــن مــن الحمـــام ... طلــــع الـــزيـــن مــن الحمـــام

اللّـــــه وســــــم اللّــــه عليـــه..اللّـــــه وســــــم اللّــــه عليـــه

ويــا بــو الحطــــه ولعكـــال..ويــا بــو الحطــــه ولعكـــال

منيـــن صـــايــد هـــالغـــزال؟..منيـــن صـــايــد هــالغـــزال؟

ونيـــالـــك يـــابــو حطـــــه..ونيـــالـــك يـــــابــــو حطـــــه

ونيـــالـــك يـــابــو حطـــــه..ونيـــالـــك يـــابــو حطـــــه

ويـــم التـــوب مطـــرزتيــــــه..ويـــم التـــوب مطـــرزتيــــــه

وحطيتـــي البـــلاوي فيـــــه..وحطيتـــي البـــلاوي فيـــــه

وعـــن جـــويـــزك خبتيـــــه..وعـــن جـــويـــزك خبتيـــــه

ويــــوم الـــزفــــة أطلعتيــه..ويــــوم الـــزفــــة أطلعتيــه

يـــا حـــلالـــي يــــا مـــالــــي..يـــا حـــلالـــي يــــا مـــالــــي
****

جبنــــــاهــــــا


جبنـــاهـــا وجينـــا يـــا خليلـــي
جبنـــاهـــا مــن الــدرب الطــويلــي

جبنـــاهــا مــن أرض الأهــــالــي
أصيلـــة مـــن عيلـــة أصيلــــــي


جبنــاهـــا للحبيـــب الغــــالـــي
أصيلـــــــة مـــــن أرض الأصــالـــي

خلّيهـــا تـــلاقينـــا الخيّــالــة
يـــا ديـــرتنـــا خيــول مســرجينـــي

جبنــــاهـــا لــزيــن الــرجـــال
وصفـــوا صـــار مضــرب للأمثــــالي

بــن شــــداد بســــاحـــات القتـــال
حــــــاتـــم طــــي وأمثـــالـــوا قليلـــي



********


حـــــــس الفـــــــــرح



يـــا يمّــــا حــس الفـــرح
فـــي دار لخـــــوالـــــي

يمّــــا رمــانــي الهـــوى
وغيـــــرلـــي أحــوالـــي

ضليـــــت أدوّر علـــــــى
لجــــــواد تـــــلاقيهـــــن

يمّــــا رمــانــي الهــــوا
جـــــوا عـــــلاليهـــــــن

*****


قـــــولــــوا لإمّـــــوا



قـــــولــــوا لإمّـــــوا تفــــرح وتتهنّـــــا
تــــرش الـــوســـايــد بــالعطــــر والحنّـــــه

يـــــا دار هنــــا وابنهــــا يـــا بنّــــــا
والفــــرح إلنــــا والعـــرســـــان تتهنّـــــا

والــــدار داري ولبيـــــوت بيـــــوتــــي
وحنـــــا خطبنـــــا يـــا عــــدوي مــــــوتـــي

يـــــا بــــــيّ مـــــريـــــم لا تكـــون عبــــوس
واسمــــــح بـــــوجـــك واعطــــي هـــالعـــــروســـــي

يـــــا بــــــيّ مـــــريــــم لا تكــــون طمّـــــاع
والمـــــــــال يفنــــــــــى والنســــــــــب نفّـــــــاع


*******



زفـــة عــريـــس



قـولـي ويـن تـزينـت حـافـظ يـا عـريـس
قـولـي ويـن تـزينـت حـافـظ يـا عـريـس


البـدلـة مـن لنـدن والكسـوة مـن بـاريـس
البـدلـة مـن لنـدن والكسـوة مـن بـاريـس





قـولـي ويـن تـزينـت إبـراهيـم يـا عـريـس
قـولـي ويـن تـزينـت إبـراهيـم يـا عـريـس


تــزينـــت يــا يمّـــه بفــي الســـريـــــس
تــزينـــت يــا يمّـــه بفــي الســـريــــــس




قـولـي ويـن تـزينـت محمــد يـا مهضـوم
قـولـي ويـن تـزينـت محمــد يـا مهضـوم


تــزينـــت يــا يمّـــه ع جبــــــل النـــــــور
تــزينـــت يــا يمّـــه ع جبــــــل النـــــــور




قـولـي ويـن تـزينـت أحمـد يـا غــالـــي
قـولـي ويـن تـزينـت أحمـد يـا غــالـــي


تــزينـــت يــا يمّـــه بــــدار خــــوالــــي
تــزينـــت يــا يمّـــه بــــدار خــــوالــــي





قـولـي ويـن تـزينـت ضيــــاء يـا غـالــي
قـولـي ويـن تـزينـت ضيــــاء يـا غــالــي


تــزينـــت يــا يمّـــه بــــدار عمـــــامــــي
تــزينـــت يــا يمّـــه بــــدار عمـــــامــــي




قـولـي ويـن تـزينـت أيمـــن يـا مــزيــون
قـولـي ويـن تـزينـت أيمـــن يـا مــزيــون



تــزينـــت يــا يمّـــه بكــروم الـــزيتــون
زينــــونـــي يمّــــــه بمجــــد لكــــروم





قـولـي ويـن تـزينـت ســـــامــح يـا فــلاح
قـولـي ويـن تـزينـت ســـــامــح يـا فــلاح


تــزينـــت يــا يمّـــه بكــروم التفـــــــــاح
زينــــونـــي يمّــــــه بكـــروم التفـــــــاح


وهي كمان زفة عريس

زفــــة عــــريـــــس 2




بــالإوارة يــا زارعيــن الــورد
وبــالإوارة فتــح مــا شـــاء الله




بــالإوارة يــا زارعيــن الــورد
وبــالإوارة فتــح مــا شـــاء الله



وبــالطيــارة ســافــر عــريــس الــزيــن
وبــالطيــارة الله معــو الله

*

*

*

*

*

وعلـــى كمّـــه يــا زارعيـــن الــورد
وعلــى كمّــه فتــح مـــا شــاء الله






وعلـــى كمّـــه يــا زارعيـــن الــورد
وعلــى كمّــه فتــح مـــا شــاء الله


وهنّــوا إمــه بــزفــة هــالعــريــس
وهنّــوا إمــه الله معـــو الله

*

*

*

*

*

وعلـــى كفـــه يــا زارعيـــن الــورد
وعلــى كفــه فتــح مـــا شــاء الله






وعلـــى كفـــه يــا زارعيـــن الــورد
وعلــى كفــه فتــح مـــا شــاء الله


وهنّــوا أختـــه بــزفــة هــالعــريــس
وهنّــوا أختـــه الله معـــو الله

*

*

*

*

*

بــالأنــانــي يــا زارعيــن الــورد
وبــالأنــانـــي فتــح مــا شـــاء الله




بــالأنــانــي يــا زارعيــن الــورد
وبــالأنــانـــي فتــح مــا شـــاء الله



وع لبنــــان ســافــر عــريــس الــزيــن
وع لبنـــــان الله معــو الله

*

*

*

*

*


بقلــــب القصــــر يــا زارعيـــن الــورد
بقلــــب القصــــر فتــح مـــا شــاء الله






بقلــــب القصــــر يــا زارعيـــن الــورد
بقلــــب القصــــر فتــح مـــا شــاء الله


وعلــى مصــر ســافــر عــريــس الــزيــن
وعلــى مصــر الله معــو الله


*

*

*

*

*

وعلـــى كمّـــه يــا زارعيـــن الــورد
وعلــى كمّــه فتــح مـــا شــاء الله






وعلـــى كمّـــه يــا زارعيـــن الــورد
وعلــى كمّــه فتــح مـــا شــاء الله


وهنّــوا إمــه بــزفــة هــالعــريــس
وهنّــوا إمــه الله معـــو الله



******************************

ميلــي .. ميلــي

ميلــي .. ميلــي
يــا شجــرة الســــريــــس

ميلــي .. ميلــي
يــا حــاملــة ســريـــس

ميلــي .. ميلــي
ع محمــد هــالعــريــس


ميلــي .. ميلــي
ميــة إســم الله الله





ميلــي .. ميلــي
يــا شجــرة التفـــاح


ميلــي .. ميلــي
يــا حــاملــة تفـــاح


ميلــي .. ميلــي
ع محمــد عــالفـــلاح


ميلــي .. ميلــي
ميـــة إســم الله عليــــه

**********************



ومنين أعرفوا إبراهيم مرق خيال ومنين أعرفوا
ومنين أعرفوا محمد مرق خيال ومنين أعرفوا

داير عاولفوا حتى السمك بالمي داير عاولفوا
داير عاولفوا حتى السمك بالمي داير عاولفوا



يما إندهيلوا محمود مرق خيال يما إندهيلوا
يما إندهيلوا أيمن مرق خيال يما إندهيلوا

وأنا بحكيلوا وإنت إطلعي برا وأنا بحكيلوا
وأنا بحكيلوا وإنت إطلعي برا وأنا بحكيلوا





بس إرفع إيدك سلـّم سلام أحباب بس إرفع إيدك
بس إرفع إيدك سلـّم سلام أحباب بس إرفع إيدك

ولو كنت أريدك ويش تنفع الحراس لو كنت أريدك
ولو كنت أريدك ويش تنفع الحراس لو كنت أريدك





فييّ ولا فيك ريت الوجع يا زين فييّ ولا فيك
فييّ ولا فيك ريت الوجع يا زين فييّ ولا فيك

لأسهر وأداويك وأحلف عا نوم الليل لأسهر وأداويك
لأسهر وأداويك وأحلف عا نوم الليل لأسهر وأداويك





بالثوب الخمري عيسى مرق خيّال بالثوب الخمري
بالثوب الخمري أحمد مرق خيّال بالثوب الخمري

ومحمود يا عمري وقف تني أحكيلك محمود يا عمري
ويوسف يا عمري وقف تني أحكيلك يوسف يا عمري




عا غدير المي لاقاني ولاقيتوا عا غدير المي
عا غدير المي لاقاني ولاقيتوا عا غدير المي

أحسن من الخي وأحنّ من الوالد أحسن من الخي
أحسن من الخي وأحنّ من الوالد أحسن من الخي





لاح القمر لاح يما يا حنوني لاح القمر لاح
لاح القمر لاح يما يا حنوني لاح القمر لاح

عشرتوا بصياح ملعون أبو شيبوا عشرتوا بصياح
عشرتوا بصياح ملعون أبو شيبوا عشرتوا بصياح



من بين البيوت سامح مرق خيّال من بين البيوت
من بين البيوت سامح مرق خيّال من بين البيوت

ما قلتلوا فوت الله على قليبي ما قلتلوا فوت

ومنين أعرفوا حافظ مرق خيّال ومنين أعرفوا
ومنين أعرفوا حافظ مرق خيّال ومنين أعرفوا

داير عا ولفوا حتى السمك بالمي داير عا ولفوا
داير عا ولفوا حتى السمك بالمي داير عا ولفوا

************************



إحلق يا حلاق بالموس الذهبية إحلق يا حلاق بالموس الذهبية
إتمهل يا حلاق تايجو الأهلية تمهل يا حلاق تايجو الأهلية

إحلق يا حلاق بموسات الفضة إحلق يا حلاق بموسات الفضة
إتمهل يا حلاق زعلان تيرضى إتمهل يا حلاق زعلان تيرضى

إحلق يا حلاق مسحلوا بعباتو إحلق يا حلاق مسحلوا بعباتو
إتمهل يا حلاق تيجوا خواتو إتمهل يا حلاق تيجو خواتو

إحلق يا حلاق مسحلوا بمنديلوا إحلق يا حلاق مسحلوا بمنديلوا
إتمهل يا حلاق تيجيلوا شبينوا إتمهل يا حلاق تايجيلوا شبينوا

إحلق يا حلاق مسحلوا بكموا إحلق يا حلاق مسحلوا بكموا
إتمهل يا حلاق حتى تيجي إمو إتمهل يا حلاق حتى تيجي إمو


إحلق يا حلاق مسحلوا بشاشاتوا إحلق يا حلاق مسحلوا بشاشاتوا
إتمهل يا حلاق تا يجوا عماتوا إتمهل يا حلاق تا يجوا عماتوا

إحلق يا حلاق والخيل تعباني إحلق يا حلاق والخيل تعباني
إتمهل يا حلاق تا يجي المطران إتمهل يا حلاق تا يجي المطران


إحلق يا حلاق بالموس الذهبية إتمهل يا حلاق تا يجو الأهلية





وهيك بنكون عملنا العرس وحلقنا وحممنا العريس

وفيه كمان اغاني احنا بنعرفها متل " امو يا امو يخليلو امو سبع كناين تدخل ع امو

غير متصل الفلامنجو

  • أزمنة انهزام والام
  • *****
  • 5574
  • 61
  • الجنس: ذكر
  • سفير لوطني برتبة ضمير ..
رد: اغاني العرس الفلسطيني
« رد #5 في: تـمـوز 27, 2009, 02:17:34 صباحاً »
قصة زواج مستوحاة من التراث الفلسطيني






لينا: افففففففف الدنيا حر كيف امي بتبعتني اليوم اعبي مي والله اليوم اني زهقانه حالي
ولاء : خلص يا لينا خلينا نعبي هالمية ونروح عالبيت
نداء: يما ابوية في البيت اليوم
مريم: اه والله اليوم قاعدلنا يابنيتي عجلي حالك ولي المشوار بعيد يادوبك نخلص دور بين هالبنات الي بيعبن
نداء: طيب يما
نداء: شوفي شوفي يما هالبنت ما احلاهاااااااااا ااا.والله اني حبيتها ودخلت قلبي واش رايك نخطبها لاخوي محمد يما
مريم : اه والله يما انها هالبنت حلوة ومسمسة وزي القمر تعالي جاي نشوفها
مريم : عالعافيه يابنات بالله بنات مين انتن والله كاني بشبه عليكن
لينا: الله يعافيكي ياخالة احنا بنات ابو حسين
مريم :حسين ماغيرو ولك امك صفيه
لينا : اه ياخالة.
مريم: والله والك بنات ياصفيه ماشاء الله حولك والله يخزي العين عنك
لينا : تسلمي ياخالة
مريم : وايش اسمك يابنيتي
لينا: انا لينا ياخالة
مريم : طيب بالله توصفيني وين دارك ؟
لينا: بتضلك ياخالة بالطريق المكسرة ونازلة تحت لما تشوفي ناس ودور بتساليهم بيوصفوكي وين ابو حسين بقولولك
مريم : ولايكونلك خاطر يابنيتي
لينا : اعبي الجره عنك ياخالة
مريم : لا يابنيتي الله يرضى عليكي والله انك بنت اصل ياشيخ
لينا : مع الف سلامة ياخاله
مريم : الله يسلمك سلمي وماتنسي تقولي لامك ها
لينا : حاضر ياخاله
مريم : تضلك حاضرة يابنيتي
نداء :ايش قلتي يما عجبتك
مريم : اه والله عجبتني وانها زي القمر طالعه شفتي ادبها كيف وتربايتها يما
آمنة : عالعافيه يما يرضى عليكن جيتن
ولاء : اه يما لو تعرفي ايش صار معانا يما
لينا :اسكتي يا ولاء
ولاء : لا مابدي اسكت يلا طيب انتي قولي لامي ايش صار معانا
آمنة : ايش صار معاكي انتي وياها قولن
ولاء : اقوووووووووول
لينا : خلص انا بقول . يما اليوم واحنا رايحين نعبيلك المية شفنا ام محمد بتعرفك بتقول
أمنة: ام محمد مين هادي يختي
لينا :ابصر يما بتقول كاينة تعرفك بتقول بدها تيجيلك زيارة وصفتها دارنا يما
أمنة: قولي وغيري يابنت
ولاء + لينا : اه يما
امنة: طيب اجت مرحبابها ما اجت الله معاها شوقتيني اعرفها
لينا :بس تشوفيها والله لتحبيها حبيتها انا يما كتير
امنة: طيب يما على خير الي الله كاتبو بيصير
مريم: اخ اخ ياظهري والله هالطريق بتهد الواحد
نداء : اه والله يما بس شوفه هالبنت نستك التعب كلو صح ولا لا
ابو محمد: أي بنت ولي تعالي هان
مريم : اه والله بترد الروح
نداء: االيوم يابا شفنا بنت ام صفية
ابو محمد: والله يام محمد ناوية تخطبي للولد اسمعي ايش بقلك بدي تجيبيلو بنت بنون بنت اصل لهالولد
مريم : والله قمر يابو محمد بتقول للقمر قوم واقعد محلك
ابو محمد: خلص عجبتكو ضايل شورة الولد الله يرضى عليه محمد بس يجي من الارض
مريم : توكلنا على الله
محمد: عالعافيه يابا (بيبوس ايد ابوه) عالعافيه يما (يبوس ايد امو)
مريم : يعطيك العافيه يما ويرضى عليك ويوفقك دنيا واخره وافرح فيك واشوف اولاد اولادك يارب
محمد: بحياتك يما بعد عمر طويل الك ولابوي ابوس ايدك يما .
مريم : يرضى عليك يما
نداء: يما مابدك تقوليلو عن البنت
مريم ها انا لوقتيش بدي استنى بدي اعجل عرس ابني واشوفو عريس
ابو محمد : خلصي قولي لهالولد ياشيخ
مريم : والله شفتلك بنت بنوت عليها ادب يما عليها جمال والله يما كاملة من مجاميعو ايش رايك نخطبلك ياها؟
محمد: عجباكي يما اعرف من هيك
مريم: اه والله يما
محمد: اتوكلي على الله
مريم : خلص بكره بنخطبلك ياها من بعد العصر وبنشوف امها يما
ابو العريس : خير البر عاجل بعد الغدى روحي يامرة
مريم: يلا يابنت نروح حضري حالك البسي والله عقلي بيقلي انادي عمتك ام ايهاب
عمة العريس : ايوا يام محمد هيني معاكي وين ماتروحي رجي برجلك
مريم : بالله لو سمحت وين بيت ابو حسين ؟
واحد : عشمالك ياخاله ضلك دغري عالشمال
مريم: يا اهل الدار
امنة : مين عالباب؟
مريم: انا ام محمد
امنة: فوتي بالله .اهلا وسهلا
مريم: فاكرانا يام حسين ولا نسيانا
امنة : والله علمك الاشغال كيف مسؤولية البيت
مريم : بنات اليوم بيتدلعن كان الواحد بيركن عليهن لكن والله بنتك ماشاء الله حولها وحواليها من عيد الحساد حاميها . وينها هيه صحيح
امنة : يالينا تعالي يابنت يما
لينا : مابديش اطلع اطلعي انتي يا ولاء
ولاء : لا يختي انتي ناسيه انك انتي العروسة والله غير امي تفضحنا اطلعي انتي
لينا : خلص خلص انا رح اطلع . مرتبه انا هيك حلوة ؟
ولاء: ها يختي حلوة بدون ترتيب
مريم : ماشاء الله حولها وحواليها شفتي يام ايهاب
ام ايهاب: اه والله بتعرفي تنقي للود انها زينة العرايس
مريم : تعالي جنبي يابنيتي
لينا : اقعد يما عندها؟
امنة: تعالي ولك خجلانة يما
مريم : تعالي يالينا كلي هاللوز بالله
ام ايهاب: لا والله شاطرة
مريم :يلا تيسرنا على بركة الله
امنة: بدري والله غير قاعدة
مريم : لا والله ورانا شغل يهد الحيل
امنة:الي تشوفيه
مريم: خلص يام حسين رح ترديلنا خبر بعد يومين نيجي ولا كيف؟
امنة: إن شاء لله على خير اشوف ابوها برد عليكو بعدها
ام ايهاب : على خير
ابو حسين : ايش يام حسين
امنة : والله رايدين البنت لابنهم ايش قلت
ابو حسين : خلص والله لولا اني بعرف ابوه كان رفضتو
امنة: خلص يازلمة توكل على الله
مريم : ياهل الدار
امنة: تفضلي يام محمد
مريم: كيف حالك
امنة: والله الحمدلله فضل من ربي
مريم: انا والله مستعجله وجايه اشوف الرد
امنة: والله يام محمد البنت بنتكو والولد ابننا ومابلاقي احسن منو لبنتي
مريم: والله يبقى اقول مبروك
امنة: على بركة الله
مريم: ولولولولولييييي ييييييييييييييي يي خلص انشالله الفرح بعد 14 يوم يلا فتك بعافيه يام حسين
ولاء : سامعه يالينا الزغاريت
لينا: معقول ابوي وافق على محمد
ولاء :مبروك يا اختي طبعا ها
امنة :تعالي يا لينا
لينا :نعم يما ايش في
آمنة: يما مبروك والله رح افرح فيكي يما
لينا: الله يبارك فيكي ويخليكي يما


الحنة

اهل العروسة العروسة بالنص وحواليها جيرانها وامها بتحنيها


امنة وولاء


يوووووووووووي بحنة مكة جيت احنيكي
يوووووووووووي يابدر ضاوي والحلي حلو عليكي
يوووي مابتليق الحنة الا لايديكي
يوي يا لينا يازينة العرايس لمحمد اوديكي
لولولولولوووووو ووووووووووووي
يووووووووي ياشعرك شعر السلسبيلي
يووووووووووي يسلملي هالكم الطويلي
يوووي ريتو يحرصك الله
يوووي من عين الحاسد والعزولي
عيني ياليلة روحي ياللي
علوف علوف ارمي للحمام   تكرار مرتين
عيني ياليلا روحي ياللي
والي يلوم المحبة يبتلي ويشوف
الحب الحب ورمو للحمام تكرار مرتين
والي يلوم المحبه يبتلي يارب



-




امو ياامو يخليلو امو سبع كناين تدخل ع امو
جبتلي بطيخ ماباكل بطيخ حتى عالمريخ لحقتني امو
وامو يا امو يخليلو امو سبع كناين تدخل ع امو
جبتلي شمام ماباكل شمام حتى عالحمام لحقتني امو
وامو يا امو يخليلو امو سبع كناين تدخل ع امو
جبتلي بصل ماباكل بصل وفي شهر العسل لحقتني امو
وامو يا امو يخليلو امو سبع كناين تدخل ع امو
جبتلي فقوس ماباكل فقوس حية بسبع روس تلدغلي امو



--





اهل العريس




يارايحه لام العريس قوليلها
عريسكي نزل الحمام جعاني
قزيتلو 200 انجر مصفطة
يؤكل ويطعمي جملة العرسان
يارايحه لام العريس قوليلها
عريسكي نزل الحمام عرياني
قزيتلو 200 بدلة مفصلة
يلبس ويلبس جملة العرسان
--
يوووي ياقاعده عالمراتب قعدة البنا
يوووووي والكحل بعيونك زقفتلو عنا
يوووي حطي القدم عالقدم ماسمعتلو رنا
يوي يجعل البطن يلي حملك مسكنو الجنة
ولولولييييييييي ييي



يوووووووي ارقصي وديري ظهرك
يوووي وارخي جدايل شعرك
يووووووي ويسلمك يا لينا
يووي يامبيضه شاشات اهلك

يووووي والع لع لع لعي
يووي ويابنات تجمعي
يووي واليوم عرسك يا لينا
يووي ويابنات زغرتن معي
ولولولييييييييي





وبهيك تنتهي قصتنا بزواج محمد الفلسطيني من اميرتنا الفلسطينية لينا

غير متصل الفلامنجو

  • أزمنة انهزام والام
  • *****
  • 5574
  • 61
  • الجنس: ذكر
  • سفير لوطني برتبة ضمير ..
رد: اغاني العرس الفلسطيني
« رد #6 في: تـمـوز 27, 2009, 02:26:36 صباحاً »
بــالهنـــا.





شيعوا لأولاد عموا يجيلوا

بالطبول وبالزمور يلعبولوا

وبالخيول المبرشمي يطاريدولوا

وبالسيوف المسقطى يلعبولوا

وبالرماح المرايشي يشاليشولوا

وبالهنا يم الهنا يا هنية

وإلتوت عيني على الشلبية

وإلتوت عيني عالعريس بالأول

صاحب الوجه السموح المنور

قلتلوا حافظ ويا إبن الكرام

عيريني سيفك ليوم الإوان

سيفي محلوفّ عليه ما بعيروا

جاي مسقط من بلاد اليماني

عددوا المهرة وشدّوا عليها

تايجي محمد ويركب عليها

عددّوا المهرة وهاتوا البارودي

زفولي ضياء لباب العقود

عددّوا المهرة بحرير إستنبولي

زفولي سامح يا أولاد الحامولي

عددّوا المهرة بحرير الغابات

زفولي عيسى يا أولاد الكرام

عددّوا المهرة وهاتوا المهبة

زفولي أحمد يا أولاد المطبة

بالهنا يم الهنا يا هنية

وإلتوت عيني على الشلبية




عيشو يلا

غير متصل الفلامنجو

  • أزمنة انهزام والام
  • *****
  • 5574
  • 61
  • الجنس: ذكر
  • سفير لوطني برتبة ضمير ..
رد: اغاني العرس الفلسطيني
« رد #7 في: كانون الأول 03, 2009, 04:23:43 مسائاً »
الأهزوجة التراثية فى الأفراح

1)عند خطوبة العروس

لا تقولوا يا أجاويد بعدّ المال انذلينا
دفعنا خمس آلاف وع الكراسي صفينا

لا تقولو يا أجاويد بعد المال فلّسنا
دفعنا خمس آلاف وع الكراسي جلسنا
******************

2)المهاهاة

هوي صلاة النبي على عروستنا
هوي زي القمر ضاوي حارتنا
هوي صلاة النبي على عروستنا
هوي احنا المزيونات والزين عادتن

هوي السمر و البيض لاقِنّا على المية
هوي السمر حواجبي و البيض عينية
هوي و السمر ترياق للي تقرصوا الحية
هوي و البيض فناجين لشرابين القهوة

هوي الطول طول الناقة و الشعر مثل الليل
هوي يا نايمين الضحا انتبهو بالليل
هوي العريس صاد الغزالة
هوي اللي عليها العين
*****************

3) يوم الحنة - ساعة الحمام

واخليلها الحمام يا عريس يا مرجان
من مبارح العصر حمامها مخلي
يام عين وعين يا هيه
يام عين وعين يا عروسة
من الشباب اثنين يا هيه من الشباب قتلتي
بعد الحمام
حلت جدايلها و الشمس ما طلعت
غاب المغيب الها و نص الشعر محلول

وقع مشطك في طشتي يا فلاحة
ابوكي راضي و اللانزيدو ملاحة

وقع مشطك في طشتي يا شلبية
ابوكي راضي ولا نزيدوا مية
***********************

4)عند اخذ العروس

قومي اطلعي قومي اطلعي ما يهمك
ع شروط ابوكي وعلى شروط عمك

قومي اطلعي قومي اطلعي من حالك
على شروط ابوكي وعلى شروط خالك

يخلف على ابو العروس يخلف عليه في الاول
طلبنا النسب منو اعطانا غزال مصور

في الطريق إلى بيت العريس
حيوا ابونا حيو ابونا
خيرين لا ترعبونا

من الشارع الضيق مرقنا
داخلين عليك يا سيد تحمي جملنا

يوم طلعنا ع الزفة رشينا العطر ع الطربوش
تستاهلها يا عريس و التاكسي ع باب الحوش

يوم طلعنا ع الزفة رشينا العطر ع العقال
تستاهلها يا عريس و التاكسي ع باب الدار

صلوا ع النبي يا للي في الشارع
صلوا ع النبي و العريس طالع
صلوا ع النبي يا للي ع البلكون
صلوا ع النبي على زفتنا اليوم
********************

5)السامر و الدبكة

يام الفريح و مبارك ما عملتيلو
جوخة جديدة وبنت اكرام جبتيلو

يا بنت عمي قتلني البرد غطيني
بين القلايد و جوة الصدر حطيني

جابولي الكِبِر قلت الثوب بيكفي
واجب على الرجل ان قال كلام يوفي
أغاني الشبابة
لدير الفرح و اغني عندك محمد و العقبة عندك
صاحب الدلعونة و اقف قدامك ياللي بتدلعن زبط كلامك
**********************

6)عند تقديم الغداءيوم العرس

على العيش على العيش يا مين كان جعان
جعان حود عندنا شبعان روح غاد
كرمال ابو العريس ابو محمد يا جاري
هلت علي العرب و الترك في داري

الله يحيي العرب و الترك لو نزلت
كرمال ابو محمد انا اللي اذبح واغديهم
كرمال ابو محمد انا الي افرش و احييهم

أجمل أغاني أعراسنا الفلسطينيه




سبل عيونو وماد ايدوا يحنول


غزال زغير بالمنديل يلفولو


يا امي يا اميعبيلي المخاداتي


وطلعت من الدار وما ودعت خياتي


سبل عيونو وماد ايدوايحنولو


غزال زغير بالمنديل يلفولو


يالمي يالمي طاويلي المناديلي


وطلعت منالدار وما ودعت انا جيلي


واطلعت من الدار وما ودعت انا امي


انا الغربيةوهيلوا يا دمعاتي


سبل عيونو وماد ايدوا يحنولو


غزال زغير بالمنديليلفولو


يا الاهل يا الاهل لا يجير ليكو خاطر


شو الي عماكو عن ابن عميهالشاطر


يا الاهل يا الاهل لا يبري ليكو ذمه


شو الي عماكو عن ابن الخالوالعم


سبل عيونو وماد ايدوا يحنولو



غزال زغير بالمنديليلفولو




***********


ايويها... بحنة مكة جيت احنيكي


ايويها... يا بدر ضاوي وألحلى كلوليكي


ايويها... ما بتلبق الحنة إلا لايديكي


ايويها... يا فاطمة زينة العرايسلمحمد اوديكي



****

ايويها... يا شعرك شعر السلسبيلي



ايويها... ويسلمي هالكمالطويلي


اويها... ريتو يحرصك الله


ايويها... من عين الحاسدوالعزولي


******


أغاني الزفة في العرس الفلسطيني



بالهنا يا ام الهنا يا هنية


التوت عيني على الشلبية


التوت عيني على العريس بالاول




صاحب الوجه السموحالمدور


قالتلو يا عريس يا ابن الكرامي





عيرني سيفك ليوم الكوان


سيفي محلوفعليه ما بعيرو


سيفي ماصل من بلاد اليماني


بالهنا يا ام الهنا ياهنية


شيعوا لولاد عمو يجولو


بالخيول المبرقعة يغنولوا


عددوا المهرة وشدواعليها


تييجي محمد ويركب عليها


عددوا المهرة وهاتو الشبرية


زفولي محمد لبابالعلية


عددوا المهرة وهاتوا البارودي


زفولي محمد لباب العمود


ايويها... ريتو هالفرح مبارك


ايويها... سبعة ثمان بركات


ايويها... كما باركمحمد


ايويها... على جبل عرفات


****


ايويها... يا قاعدة على المراتب قعدةالبنا



أيويها... والكحل بعيونك زقفتلوا غنا


أيويها... حط القدم على القدم مااسمعتلو رنا



ايويها... ويجعل البطن يلي حملك مسكنو الجنة




****


ايويها... صبرقلبي وما قصر



ايويها... وانقطع حبل الجفا بعد ما تغير


ايويها ... افرحولييا جيراني وخلاني



ايويها... وانا عها اليوم بتحصر




((((((.


ايويها... جيت اغنيوقبلي ما حدا غنا



ايويها... بقاع وادي فيه الطير يستنا


ايويها... وريتك بامحمد بهل العروس تتهنا



ايويها... وتضل سالم ويضل الفرح عنا




((((((


الاغاني التيكانت تغنى للعريس حين يأتي الحلاق ويقوم بحلاقة شعره وذقنه


إحلق يا حلاقبالموس الفضية إحلق يا حلاق


تمهل يا حلاق لا تتيجي الاهلية تمهل يا حلاق


إحلقيا حلاق بالموس الذهبية إحلق يا حلاق


تمهل يا حلاق لا تتيجي الاهلية تمهل ياحلاق


إحلق يا حلاق ومسح بشاشاتو احلق يا حلاق


تمهل يا حلاق لا ييجو عماتوتمهل يا حلاق


إحلق يا حلاق ومسحلو بكمو إحلق يا حلاق


تمهل يا حلاق لا تتيجوامو تمهل يا حلاق


احلق يا حلاق احلقلوا لحالو احلق يا حلاق


تمهل يا حلاقتييجوا خوالو تمهل يا حلاق


احلق يا حلاق ونعملو على خدو إحلق يا حلاق


تمهل ياحلاق لييجو ولاد عمو إحلق يا حلاق


إحلق يا حلاق ونعملو شعراتو إحلق ياحلاق


تمهل يا حلاق لييجو رفقاتو تمهل يا حلاق


أحلق يا حلاق تنشوف حالاتو احلقيا حلاق


تمهل يا حلاق تييجو خياتو تمهل يا حلاق


ايويها ... بمقص الذهبقصلوا يا بشارة


ايويها... لزينة الشباب وزينة الحارة


ايويها ... ان وصفتبالوصف ما وفيت


ايويها ... أمير صغير وتلبقلوا الامارة.


****


ايويها... ضليتأركض ورا الجواد لناسبهم



ايويها... هب الهوى ورماني على مصاطبهم


ايويها... دعيت رب السما ينصرهم


ايويها... نصره عزيزة تجبر بخاطرهم



*****

ايويها ... اسمالله عليك



ايويها ... عين الله عليك


ايويها ... عين الحاسدة تعمى


ايوها ... والي ما تسمي عليك


لولولولولولييييييييش

هذه بعض من الروائح الطيبة من عبق التراث الفلسطينى فى أفراحه ..... دامت الديار ودامت الافراح