احصائية الاردنيات يفضلن الزواج من فلسطينيين

[ريتاج]

تبين من عدد حالات الزواج في نشرة صادرة عن دائرة قاضي القضاة في الأردن، أن الأردنيات يفضلن الزواج من فلسطينيين.
وبلغ عدد زيجات الأردنيات من جنسيات عربية خلال عام 2010 ، ما مجموعه 2082 زيجة بنسبة 4، 3% من مجموع زيجات العام نفسه التي بلغ عددها 61770 زيجة .

وحظيت الجنسية الفلسطينية بالنسبة الأعلى بواقع 1467 زيجة كانت أغلبها في العاصمة عمان بواقع 705 حالات، وجاءت الجنسية المصرية بالمرتبة الثانية بواقع 212 زيجة، تلتها الجنسية العراقية وبلغت 166 زيجة ثم السورية 146 .

وبلغ عدد حالات الزواج من سعوديين 53 و لبنانيين 10 وكويتيين 6 و بحرينيين 6 .

ويرفض الاردن لغاية الان المصادقة على المادتين 6و16 من اتفاقية "سيداو" للقضاء على كافة اشكال التمييز ضد المراة، واللتان تؤكدان على حق الأطفال بالحصول على جنسية والدتهما .

واعتبرت الحكومات الأردنية المتعاقبة ان قضية تجنيس ابناء الأردنيات مطلب سياسي، في إشارة الى ان معظم الأردنيات المتزوجات من اجانب هن زوجات لفلسطينيين وان منح الجنسية لهم يعني تفريغ الاراضي الفلسطينية من سكانها.

يذكر ان حملة انطلقت في الأردن قبل اشهر تحت شعار( امي اردنية وجنسيتها حق لي ) بهدف حث الحكومة الاردنية على منح ابناء الاردنيات المتزوجات من اجانب الجنسية الأردنية وهو ما يمنعه قانون الجنسية الأردنية الحالي .

المصدر عمان - يو بي أي

ياترى شو السر كل العالم عم بتفضل الفلسطينية اكيد في شي مميز عن الاخرين

يؤبرني الفلسطيني انا

[الفلامنجو]

بعد الفلسطيني الاكثر احتراما لبيته و عائلته و مملكته الدافئة الصغيرة على المستوى العربي و بالتالي فهو الاكثر انسجاما و الارقى تفهما و تعاونا و مسؤولية .. و الشواهد في الزيجات الطويلة المعمرة و التي لا تنفصم الا برحيل احد الطرفين الى موعد لقاء اخر في جنة الرحمن الرحمن .. . و هو على مر الاجيال بمثل هذه الصفات و الخصال الحميدة و ان عرف عنه جديته في الحياة و التي ربما تقسو احيانا على معيليه ولكنها نابعة اولا واخيرا من حبه لهم ومن عدم رغبته العميقة في تعرضهم لما تعرض له في حياته بحسب خبراته ومعتقده..


و الفلسطيني حلو يا ريتاج..قهو ذو شخصية رجولية محببة


و


لك وله الانحناء و الورد و التحية

[ريتاج]

هم احلى شباب ..اكيد الفلسطينية واهم شي انه الفلسطيني بيحب يدلل زوجته

واكيد احلى صبايا ..بنات فلسطين كلهم دلال وانوثة

وهم اولى بالصفات الي حكيتها فلامنجو يروح للفلسطينيات

عواافي فلامنجو

[جنين]

لا تعليق

[ثورة]

هههههههههههههه

مش عارفة ليش أجا على بالي اضحك

وتذكرت قول القذافي ذات مرة: الي بده ولاده يطلعوا رجال يتزوج فلسطينية


بس عن الدلال والأنوثة يا ريتاج لا

زودتيها شوي يعني

وين يختي راحوا اللبنانيات والمصريات والسوريات

يعني لما تقله بس ابن عمي ييييييييييي، بيفقد توازنه

بس احنا: ابو العبد ، هات في ايدك حزمتين جرجير وحزمة بقدونس عشان السلطة ومتناس الكرشات جيبهم من دار أهلي عشان أطبخلك اياهم

ويقلها: خلي عن نافوخي مش فاضي لكرشاتك ، وهدول اهلك بدناش منهم اشي، يعني كب الفار بالزيت غنيمة ، لو جبتي سيرة اهلك تاني مرة بطلقك

فهمتي؟ ويعقد حاجبيه ويظن أنه المقصود في أغنية فيروز يا عاقد الحاجبين

بعدين بعد شوي يقلها: اسمعي ، بدي اليوم آكل مفتول فاهمة ؟

بتقله: متنسنى ليوم الجمعة عشان بدي اعزم اهلي

بيقلها: منا عارف إنك لزقة انتي واهلك ، خلص ليوم الجمعة اوكي

بتقله: والله منا عارفة شو عملولك اهلي يا زلمة

بيقلها: هيك - مزاجي ، بحبهمش لله في لله ، شوفي أمك الي رافعة مناخيرها وشايفة حالها كأنها بنت بارم ديله ، ولا أبوكِ الي عامل حاله شيخ البلد وهوا بيسواش قرش مصدي

بتقله: هيك بتحكي عن أهلي؟ والله منا قاعدة لك في الدار ، ودور على الي يعملك مفتول ، ثم تقول بصوت أقرب للهمس: انت زلمة بيثمرش فيك المعروف

بيقلها : ها؟ شو بتقولي؟ شو بتبرطمي؟

- ولا اشي ، بس أنا رايحة على دار أهلي وبدي آخد الصغير معي

- ليش الصغير ، خديهم كلهم بديش اياك ولا بدي إياهم ، لكن علي الطلاق منك يا سعدة إذا طلعتِ من ها الباب لأكسر رجلك

جربي روحي وبترجعي تلاقيني متجوز عليك

تبكي بحرفة ولا تدري ماذا تفعل أمام عنفوانه وتقول: منك لله ، أشكيك للي لا يغفل ولا ينام

- طيب يا فصيحة قومي اعملي لنا الغدا ، بدي أرجع ألاقيكِ طابخة ولابسة الي ع الحبل عشان بدنا نروح مشوار

- يا مسهل؟

- بدنا نروح ع دار أهلك عازمينا ع العشا

- لعله يثمر بس

تنزل الستارة لتفتح في اليوم التالي على نفس الموال

وهكذا





- فلامنجو؟ الفلسطيني حلو آه ؟ يا سلام حلاوته بتشرق يا صلاة النبي

لا بس حلو ياعمي

شو ها الحكي

أي حلو