أووف أووف أووف يابا

[ثورة]

هدى مجموعه من العتابا لفلسطين

هوى فلسطينْ يا حِبابي برُدِّ الرُّوحْ
من عهدْ آدمْ ومن بعدْ نبينَا نوحْ
نِبْكي فِلسْطين بدمِعْنَا وُّنوحْ
ياربْ وحِّدْ باسْم الدين ْ لِجْيوش ِ العَرَبْ
*********************************
ياريتْ هذا الوَطنْ يسْعَدْ ويا ريتْ
ونْعيش جُوَّى الوَطنْ بافراحْ وَزغاريتْ
لا تخلُّوا لِيل الوطنْ جنُّ وعَفاريتْ
عُودُوا نَشامَى العِزْ اصحابْ ونسبْ
******************************
يا ليل ِالجَفا ملِّيتْ القلوبْ اجْروحْ
وخلِّيت اَهل الهَوَى فِي الهُيام تْرُوحْ
يا ليلْ حرامْ يظلْ فِي الوَطنْ مجْروحْ
ويبقى حُزنَّا دائنم عالِبْوابْ
***************************
شُهدَا بلادِي ودَّعوا الاوْطانْ بالدَّمْ
شَافوا القضِيِِّة مْسَلَّمِة بايدِينْ مُعْدَمْ
قالُوا بَخِيل الوطنْ بُكْرَا بينْدَمْ
لمَّا يشوفْ الوَطنْ يتْقسَّمْ وينبَاعْ
****************************
شُفت بمنامِي خيولْ فرسَانْ
بتسد الفضَا و قدَّامْهَا عِرْسَانْ
سألْتْ الحاضرينْ منينْ هالرسانْ
قالوا خيولْ الفتحْ للاقصَى الطَّلَبْ
*****************************
لما ينادِي الوطن يا حاميين الدَّارْ
لعيونْ ارْض الوطنْ نطَّلَّع وننْدارْ
يا اخِي بكفِّي مذلِّة والشَّعْبْ هدَّارْ
ما يهابْ يومْ الرَّدَى والمَرْجَلِة تِنْهَابْ
*****************************
فلسْطينْ قلْعَة ْ عِشِقْ وجيوشْهَا حُجَّاجْ
لاهي كازينو قمَارْ ولا هي حظيرة جَاجْ
فلسطينْ نبْضْ العَربْ ومرَبَّطَة برجَّاجْ
لوْ صاحْ ابن القدِسْ لتْرَجْرَجَتْ لِجْنابْ
******************************
هذي قضايَا أمة الاسْلام بالنَّصْ
كِتابْ وسُنَّة المرْسُول بتْنُصْ
اذا الصَّيادْ ما حَط الهدفْ بالنُّصْ
بضيع الصَّيْدْ ويظل العَتَبْ
***************************
يا شايفْ همَّة الابْطالْ بتْعِدْ
ترَى الدنيا بما في الارض بتْعِد
رجالك في الوَغى عَالخِيل بتْعِدْ
لا تهمَلْ هَم فِي رجَال وشبَابْ
*************************
يا زائر ارضْنَا وبيدك عَلَمِينْ
وانت حامِلْهَا وبتضْحكْ على مينْ
لوْ رجعَتْ بُكْرَة حرْبْ العَلَمِينْ
بظلْ العلمْ واحدْ لِحْبابْ واصْحَابْ
**************************
كتبْنا اسْم ْ فِلسْطِينْ عَ قلوبْنَا بقلامْ
لا يُمْكِنْ تبْقى اَسيرَة بصَحْوة الاسْلامْ
يا شايلْ هَم الوطن والدينْ اِسْلامْ
ُبكْرَة بعود العِزْ لاوْطان العَربْ
*************************
يا حامل رايَة التوْحيدْ بالدِّينْ
قدَّامَك ازْلامْ للاعْداءْ بالدِّينْ
حزين البقرضْ الامْوال بالدِّينْ
وبخلِّي جيبتُه عَرْضُ وطلَبْ
***********************
يا قارئ محْكَمْ التنزيلْ بالآيْ
سَألتكْ بخالِق الصلصالْ والمايْ
بجوزْ نشَيِّخْ للخليلْ زلمَايْ
وعِنَّا كتابْنَا عـــــزّ الطلَبْ
************************
رايحْ عالتفاوضْ بلا سيف بتْهتْ
يالْسيفكْ خشب على الناس شتْهتْ
نازلْ معْركِة باسْلاحْ هِتْهتْ
نتيجة فاضْحَة وحِلْمَك عَجَبْ
**************************
وعِنّا الفنّ مش تقليدْ أصلي
عدوِّي اللي كواني بنار أصْليه
أنا فلسطيني من فصْلي وأصلي
ما بنْسَى سهولْ أرضي والهَضابْ
****************************
بلادي منها الغاصب حرمنا
لحتّى شرَّدوا اطفالنا وحريمنا
والصَّخرة إنداستْ وحرقوا حرمْنا
وهذا غير اللي جاؤوا تكميل لحسابْ
***************************
بيُومِ الكرامِة إنْكسَرْ جيش الخصِمْ
وكانتْ خسارِتْهُم ألف بعد الخصم
وربِّ البَريّة والنّبي يبقُوا الخصِم
للِّي سَعُوا ولَلِّي دعوا لحَرْبِنا
**************************
إللُّي بخُونِ أوطانُه خاصمْنا
ومِن هذا الشّعِبْ فعلاً خاصمْنا
وحُبّث الوطن طعمانا وخصمْنا
وعلى درب الفدا اعترفنا الصَّوابْ
***************************
الشعب قال أنا بفخر بعيدي
ومهما تكون أوطاني بعيدِه
ومين اللِّي لأوطاني بعيدي
غير التّضحية ودمِّ الشباب
**************************
قالوا الشعب قد على مجدُه علا
ومن بعدِ هذا اليُومِ بزوِّد عُلا
ولولا بعزِّ عليِّ وعَ هلفِرْقة وعلى
هالنّاس ما غنِّيت شطرة ميجنا
***************************
يا خيِّ فُرقِة الأوطانْ مُرّة
ولهذا قد شربنا كؤوس مُرّة
بحبِّ اشُوفْ بلدي بَسْ مرَّة
تكون محَرَّرة وراحُوا لِغْراب
*************************
لو كِلّ يومْ بتهدُّوا مخيّم
عُمرِ السِّلِم عَ بلادي ما خيّم
ومهما الظلم يا بيغن ما خيّم
سيُمنحى بفعِلْ أبطالِ العرب
***************************
وثورة شعبنا ركبت حُصُنْها
وبسواعِدِ الفدا تقوَّى حصنْها
وبقلبي وفِكري بحفظْها وبصُونها
وبفديها بدمّات لِعصابْ
**************************
فلسطينية ليه عاملة علينا تقيلة!!
عشانك طيبة ولا لانك جميلة
ولا لانه ما في منك ب هالديـرة
وهاد الراي عندي والجواب ::

ا

منقول

<!-- / message --><!-- sig -->

[ثورة]

الأهازيج الشعبية الفلسطينية
(2)

يا شعبنا

شَعْبِ فْلسْطينْ لا تِنْسى للِّي جرَى لَكْ احْمِلِ سْلاحْ غيرُه في الدُّنيا مالَك شعْبِ فْلسطين لا ترضى الحَلِّ السِّلْمي بارُودُ ونارْ ما أجمَلْ هذه النّغْمة مالكْ آمان تَنيِّمْ إبْنَكْ في العَتْمة كيفْ راحْ بِتْنَامْ صَهْيُوني يِبْقى جَارَكْ شَعْبِ فلَسطينْ خَلِّي إيدَكْ خَلِّيها عَلى هالرَّشاشْ إوْعَ إيدَكْ ترخيها بارُودُ ونارْ هالبارُودة عَبِّيها وانزِلْ بالْمُوتْ علّى استحَلِّ دْيارَك لُغة البارُودْ هيِّ بَسِّ المْسمُوعَة وخلِّي الألغامِ بْدارِ عَدُوَّكْ مزْرُوعَة اهْجِمْ ع النّارْ بَلْكِ مِنُّه مبيوعة قلْ لُه(1) يا غدَّار هذه داري مِشْ دارَكْ بنّتِ فلسطين ربِّي أولادِكْ رَبِّيها لما بتكبر على الثورة وديِّها لما بتكبر على الثورة ودِّيها كلْمِة تشجيع للمُقاتِلْ قوليها إن خلّصتِ رصاصْ مزِّقْهُم في أنيابَكْ لأجْلِ الثِّوارْ لأحملْ بيدي رشّاشي لأهجم ع النّارْ ما بستنّى معاشِي جِوَّاتِ الدَّار لاجعَلْ ألغامي فراشي واقرأ يا دارْ رِجْعُوا عليكِ رْجالِكْ أبوكِ وين راح يا صَبيِّة؟ أبوي نازِلْ لَلْعَمَلِيّة حامِلْ رشّاشُه نازلْ ع الميَّه (2) مع المجموعة لِنتحارِيِّه(3) يا أُمي ليس تبكي عليَّ؟ وأنا مُضَحِّي لأجْلِ القضيّة حامِلْ رشّاشي نازِلْ ع الميَّة مَعَ المجمُوعة لِنْتِحاريّة دلعونا لمّا لِلفَنِّ الشّعْبي غَنِّينا قصدْنا تانحيي ترابِ فلسطينا حُبِّك يا بلادي صارِ يغذِّينا بأجمَل أغاني على دلْعونا وحُبِّي للوطن راسخ بقلْبي بالدَّمِّ الغالي فرشنا الدَّربِ لأجل تحريرِك يا فلسطينا يا ثورَة مِدِّي يا ثورة مِدِّي لتحريرِ الوطَن يلله استعدِّي شِبلِ منِ أشبالِكْ باطناشرْ جُنْدي(1) أما المجاهد اطناشَرْ دزِّينا وبكمائن ما بنهادِنْ جيشِ الغادِر للمَمات وبالكرامةِ رفعتِ اعلامي وفوق اعلامي إلرَّاياتْ ويا مجاهد يا ابن بلادي على الجوادِ اعمَلْ جولاتْ وباسِمْ فِرقتنا لابعث تحيِّة يابا لكُفُرْ شُوبا والهَبّاريِّة(2) ومُخيَّم صبرا(3) والرَّسيديّة الرَّشاشِ بيحمي غُصْنِ الزَّيْتونا(4) غَرْبيِّ النّهِر دخلْتْ دَوْريِّة ضمّت مجموعة فلسطينية دمّر دبابة مع خمسميّة أمّا الخسارة اطناشرْ صهيُونا ربِّي هالفرقة بعونَك خلِّيها، خلِّي الدَّبيكة والغنّا فيها ثورة شعبنا ربِّي يحميها، وينْصُر ثورتنا عَ اللي يعادُونا. يا شبل الثّورة قُودِ الدَّبابة من نهرِ الأردن حتّى عرَّابة(5) وإهجِم عَ العِدا فُوقِ الرَّوابي، وع قُومِ النّذِلْ إبن صهيونا شعبي للوطن قدَّم هدية الرُّوح العزيزة لأجل القضيِّة لا يُمكن نرضى بالصِّهيُونيّة على تُرابِك أرضِ الزَّيتونا سلاحنا بيدينا هذا أمانة وحتّى نحرِّرك كلِّ الأوطانِ وما في بشعبنا واحد جبان يسَلِّم سلاحُه لو كان مجنونا منقول